Sigmundur Ernir vill 2. sætið í NA kjördæmi fyrir Samfylkinguna
Skáldið og fréttahaukurinn Sigmundur Ernir Rúnarsson hefur afráðið að snúa sér að stjórnmálaþátttöku, eftir að hann hætti störfum á Stöð 2 fyrir skemmstu. Hann býður sig fram í 2. sæti Samfylkingarinnar í Norðausturkjördæmi. Sigmundur Ernir mun ekki hafa verið flokksbundinn og hafði ekki gengið í Samfylkinguna er hann ákvað framboð sitt.
Sigmundur Ernir er ættaður norðan af Akureyri og af Úthéraði og Borgarfirði eystri. Hann hefur látið hafa eftir sér að hann telji mikla kröfu vera í þjóðfélaginu um endurnýjun eftir búsáhaldabyltinguna og að hann finni hjá sér þörf fyrir að hella sér í stjórnmálin og hjálpa til við endurreisnarstarfið.
