Toyota áfram á Austurlandi
Markús Eyþórsson og Benedikt Hermannsson á Egilsstöðum hafa keypt rekstur Toyota á Austurlandi og verða, undir nafninu Bílaverkstæði Austurlands, með viðgerðarverkstæði og sölu á notuðum bílum. Fram kom í Austurglugganum í síðustu viku að aðeins ein bílasala væri nú á svæðinu frá Selfossi til Akureyrar, en sama dag og blaðið var prentað var gengið frá samningi um kaupin á Toyota á Austurlandi og því eru bílasölurnar tvær.
Markús segir þá félaga hafa keypt rekstur, lager og verkfæri og gert samning við Toyota til fimm ára. Þeir leigja nú húsnæðið sem Toyota á Austurlandi var í áður.
