Vetrarævintýri á Austurlandi
Á Austurlandi eru frábærir útivistarmöguleikar og veðrið oftast gott. Hér eru frábær skíða- og brettasvæði í Oddsskarði og Stafdal og endalausir möguleikar fyrir skíðagöngu. Hægt að skiða í skóginum eða þeysa um snjóbreiður í vélsleðaferð. Ganga í síðdegissólinni sem gyllir snæviþakin fjöll og skóg eða fara fetið á hestbaki. Hið fræga ístölt verður á Egilsstaðavíkinni 21. febrúar.
Veturinn er góður tími til að skoða hreindýr. Kanna litlu sjávarþorpin hvert með sínu sérkenni. Hér er gisting við allra hæfi og góðir veitingastaðir. Fjölbreytt afþreying, áhugaverð saga, handverksnámskeið og skemmtileg söfn. Á Austurlandi finna allir eitthvað við sitt hæfi.
