Vinnunefndir vegna samvinnu
Fljótsdalshérað og Djúpavogshreppur hafa valið fulltrúa í viðræðunefnd sem sér um að kanna möguleika á sameiningu sveitarfélaga. Fljótsdalshérað og Fjarðabyggð skoða möguleika á sameiginlegri velferðarþjónustu.
Sveitarstjórnir Djúpavogshrepps og Fljótsdalshéraðs hafa samþykkt að ganga til formlegra viðræðna um sameiningu sveitarfélaganna í samráði við talsmenn ráðuneytis sveitarstjórnarmála. Í samstarfsnefndinni sitja úr Djúpavogshreppi þeir Andrés Skúlason og Guðmundur Valur Gunnarsson en af hálfu Fljótsdalshéraðs Guðmundur Ólafsson og Björn Ármann Ólafsson.
Fljótsdalshérað hefur að aukið valið þær Jónínu Rós Guðmundsdóttur og Önnu Sigríði Karlsdóttur í viðræðuhóp við Fjarðabyggð um sameiginlegan rekstur velferðarþjónustu.
