Aftur brast rör við Fjarðarárvirkjun
Fréttir • This email address is being protected from spambots. You need JavaScript enabled to view it. • Fyrst birt 18. júl 2022 15:32 • Uppfært 18. júl 2022 15:33
Aðrennslisrör að virkjun í Fjarðará í Seyðisfirði gaf sig í morgun öðru sinni á rúmum mánuði.
Þetta kemur fram í tilkynningu frá lögreglunni á Austurlandi.
Þar segir að í morgun hafi verið tilkynnt um aurskriðu við gömlu Fjarðarselsvirkjun. Í ljós kom að aðrennslisrör nýju virkjunarinnar hafði farið í sundur og orsakað talsverðan vatnsflaum á svæðinu.
Greiðlega gekk að hemja vatnið og búið er að gera við þær skemmdir sem urðu á veginum.
Fyrir um mánuði brast aðrennslisrör á sömu slóðum. Í það skiptið rauf það aðra lög á sama stað þannig ekkert kalt vatn varð á Seyðisfirði.
Í færslu lögreglunnar segir að af hálfu eigenda virkjunarinnar sé verið að skoða aðstæður til að koma í veg fyrir að atvik sem þessi endurtaki sig.
Rofið í júní olli litlu framhlaupi. Mynd: Ómar Bogason.
