Áhyggjur af hraðaakstri í upphafi verslunarmannahelgar
Fréttir • This email address is being protected from spambots. You need JavaScript enabled to view it. • Fyrst birt 29. júl 2022 23:24 • Uppfært 29. júl 2022 23:26
Lögreglan á Austurlandi hvetur ökumenn sem leið eiga um Austurland til að draga úr umferðarhraða sem virðist of mikill.
Í frétt frá lögreglunni kemur fram að síðustu þrjá daga hafi 33 ökumenn verið kærðir fyrir of hraðan akstur í umdæminu. Því sé ljóst að of mikið sé um hraðaakstur á svæðinu og framundan dagar ferðalaga.
Lögreglan veðrur með eftirlit með umferð í fjórðungnum um helgina, líkt og aðrar helgar. Ökumenn eru beðnir um að fara varlega og hægja á sér þannig allir komist heilir heim.
