Fótbolti: Valinn í U-15 ára landsliðið
Fréttir • This email address is being protected from spambots. You need JavaScript enabled to view it. • Fyrst birt 25. ágú 2022 09:33 • Uppfært 25. ágú 2022 09:51
Árni Veigar Árnason úr Hetti tók í síðustu viku þátt í tveimur æfingaleikjum íslenska U-15 ára landsliðsins í knattspyrnu gegn Færeyjum.
Leikirnir voru báðir spilaðir ytra. Árni Veigar var kallaður inn í hópinn með skömmum fyrirvara eftir meiðsli.
Árni Veigar kom inn á sem varamaður síðustu 20 mínúturnar í fyrri leiknum en var í byrjunarliði í seinni leiknum. Hann var þó ekki meðal markaskorara í tveimur 4-0 sigrum.
Árni var ekki eini Héraðsbúinn í hópnum Gunnar Borgþórsson, sem árum saman hefur þó unnið fyrir Selfoss, er annar aðstoðarþjálfara liðsins.
Fleiri Austfirðingar hafa líka verið valdir í landsliðsverkefni á síðustu dögum. Freyja Karín Þorvarðardóttir úr Neskaupstað, sem nú leikur fyrir Þrótt Reykjavík, er í U-19 ára hópi kvenna sem leikur gegn Svíþjóð og Noregi í byrjun september.
Áslaug Munda Gunnlaugsdóttir, leikmaður Breiðabliks frá Egilsstöðum, er í A-landsliðinu sem mætir Belarús og Hollandi í forkeppni Evrópumótsins um svipað leiti.
Mynd: Aðsend
