Hlaup í Grímsá
Hlaup er í Grímsá, sem rennur niður Skriðdal og út Velli í Lagarfljót. Tvær gröfur neðan við þjóðvegin yfir ána virðast vera á leiðinni á kaf.Sjónarvottur sem Austurfrétt ræddi við sagði ána komna upp á báða bakka sína og virðast enn vera í vexti.
Tvær gröfur hafa verið úti ánni við að grafa efni upp úr ánni. Fram að þessu hafa þær verið á þurru. Áin er komin vel upp á þær og virðist á góðri leið með að ýta annarri þeirra á hliðina.
Mikið hefur rignt eystra undanfarna daga og eru mörg vatnsvöll því orðin ansi blómleg. Þá hefur Veðurstofan varað við skriðuföllum. Sérstaklega er fylgst með stöðunni á Seyðisfirði og Eskifirði. Á Seyðisfirði mældust smávægilegar hreyfingar fyrir helgi sem samkvæmt upplýsingum frá í gær höfðu þá stöðvast.
Myndir: Aðsendar
