Möguleg vindorkusvæði í Múlaþingi kortlögð
Fréttir • This email address is being protected from spambots. You need JavaScript enabled to view it. • Fyrst birt 02. sep 2022 11:05 • Uppfært 02. sep 2022 14:25
Verkfræðistofan EFLA hefur afhent Múlaþingi niðurstöður úttektar sinnar á mögulegum svæðum til vindorkuvinnslu innan sveitarfélagsins. Þetta er í fyrsta sinn hérlendis sem gerð er slíkt heildstæð úttekt fyrir heilt sveitarfélag.
Fjallað er um úttektina í Austurglugga vikunnar. Rekja má vinnuna til umræðu sem fór af stað samhliða því að Orkusölunni var heimilað að reisa tvær tilrauna vindmyllur við Lagarfossvirkjun.
Í úttektinni er tekið til ýmissa þátta svo sem nálægðar við mannvirki, verndarsvæði og vistfræðilega mikilvæg svæði. Lítið mat var lagt á sjónræn áhrif enda skorti til þess gögn. Að auki er stuðst við vindmælingar og landrými, en vindmyllur virka best á flatlendi.
Helstu niðurstöður eru þær að hluti Jökuldals og Jökuldalsheiði þykir vænlegur kostur. Fellin lítillega einnig og hluti Hróarstungu sömuleiðis. Stórt svæði á Fjarðarheiði er hentugur kostur sem og utanverður Seyðisfjörður, einnig hlutar Skriðdals að ógleymdum Héraðssöndunum.
Lengri útgáfa birtist í Austurglugganum sem kom út í vikunni. Hægt er að panta áskrift hér.
