Opið inn í Kverkfjöll
Fréttir • This email address is being protected from spambots. You need JavaScript enabled to view it. • Fyrst birt 27. jún 2022 11:52 • Uppfært 27. jún 2022 11:55
Vegurinn inn í Kverkfjöll var opnaður um helgina. Enn er hins vegar ófært inn í Snæfell.
Þetta kemur fram í nýjustu uppfærslu á færð á hálendinu frá Vegagerðinni.
Um helgina var opnað inn í Kverkfjöll og Hvannalindir. Eins eru þær leiðir sem tengjast Öskusvæðinu til austurs opnar. Þessar leiðir eru allar aðeins færar fjórhjóladrifnum bílum.
Eina austfirska hálendisleiðin þar sem enn er akstursbann í gildi er leiðin frá Kárahnjúkum niður í Hrafnkelsdal.
Akstursbanni á leiðinni inn að Snæfelli hefur verið aflétt. Sá vegur er hins vegar merktur ófær. Samkvæmt upplýsingum frá Vegagerðinni var enn töluverður snjór þar þegar síðast spurðist til.
