Áhersla á matinn að skila sér í Berunesi
Það er heldur óvanalegt að koma að litlu gistiheimili og tjaldsvæði í fámennum austfirskum firði og komast að því að innandyra er þessi aldeilis fíni veitingastaður þó lítill sé og þar í eldhúsinu þaulvanur erlendur kokkur sem lærði fagið í einhverjum besta kokkaskóla Austurríkis.Það er þó raunin í Berunesi í Berufirði en þar lengi verið rekin gistiþjónusta auk tjaldsvæðis. Þar hefur um langa hríð Ólafur Eggertsson ráðið ríkjum en börn hans hafa tekið að hluta til í taumana að sumarlagi frá því í fyrra og skiptast á að sinna því sem þarf á svona stað.
Eitt af því sem systkinin ákváðu fyrir ári síðan var að prófa að gera aðeins meira varðandi matinn á staðnum. Það helgast að stórum hluta af vinnu austurríska kokksins Abiathar Sacadat að sögn Þóris Ólafssonar, eins af afkomendum ábúandans, en hann líkt og önnur systkini skiptast á að koma austur á heimaslóðirnar og aðstoða föður sinn eftir mætti.
„Það oftast erlendir ferðamenn sem koma hingað en það sem hefur gerst núna og varð vart við í fyrra líka að hingað eru líka farnir að koma Íslendingar sem ekki eru að gista heldur aðeins koma í mat til okkar. Það aftur afleiðing af því að við tókum þá ákvörðun að prófa að setja eldhúsið og veitingastaðinn á oddinn en þó halda verðinu niður eins og kostur er og það er að skila sér vel,“ segir Þórir.
Svo vel hefur tekist til á tiltölulega skömmum tíma að veitingastaðurinn er með 4.9 í einkunn ferðafólks á Google en hæsta einkunn sem veitingahús geta fengið þar er 5.
„Við ákváðum saman í fyrra að prófa að setja góðan metnað í matargerðina. Leika okkur með hráefni héðan og elda það og framreiða með ferskum og nýstárlegum hætti en gæta þess líka að bjóða allt á sanngjörnu verði. Það gekk vel í fyrra og það virðist vera að skila sér vel núna líka.“
Mynd: Aðsend
Lengri útgáfa birtist í Austurglugganum. Hægt er að panta áskrift hér.
