Endurnýja samstarfssamning
Fljótsdalshreppur og Landsbanki Íslands hafa endurnýjað samstarfssamning um Verkefna-og rannsóknarsjóð Fljótsdalshrepps og Landsbankans.
Samningurinn er til 3ja ára og felur í sér árlegt framlag aðila í sjóð sem úthlutar verkefnastyrkjum. Markmið sjóðsins eru að hvetja háskólafólk til að vinna lokaverkefni sín í og um Fljótsdalshrepp og að styðja við verkefni er tengjast sveitarfélaginu.Á undanförnum þremur árum hefur sjóðurinn styrkt átta verkefni. Má þar nefna rannsóknir við Eyjabakkajökul, kortlagningu jarðhita í Fljótsdalshreppi, BA lokaverkefni um fornleifauppgröftinn á Skriðuklaustri og menningartengda ferðaþjónustu, og úttetekt á kolefnisbindingu í Fljótsdalshreppi.
