Komdu í land - verkefnið á Djúpavogi
Verkefnið ,,Komdu í land" hefur hafið námskeiðaherferð hringinn í kringum landið. Verkefnið er samstarfsverkefni Útflutningsráðs, Ferðamálastofu og Cruise Iceland samtakanna um að Útflutningsráð standi fyrir fræðslu og ráðgjöf í hafnarbæjum sem eru meðlimir í Cruise Iceland samtökunum. Næst á að þinga á Djúpavogi.
Tilgangur þessara námskeiða er að skoða möguleika á hverjum stað fyrir sig og vinna saman að því að byggja upp aukna þjónustu fyrir farþega skemmtiferðaskipa og áhafnarmeðlima sem ekki eru að fara í skipulagðar ferðir. Næst verður farið á Djúpavog 25. – 26. febrúar og skráning er hjá Bryndísi ferða- og menningarmálafulltrúa Djúpavogs á This email address is being protected from spambots. You need JavaScript enabled to view it.. Þátttökugjald er 15 þúsund krónur.
