Snjómokstur um jól og áramót
Fréttir • This email address is being protected from spambots. You need JavaScript enabled to view it. • Fyrst birt 23. des 2014 14:35 • Uppfært 23. des 2014 14:48
Einungis á þeim vegum sem hafa 7 daga þjónustu verður þjónusta á jóla- og nýársdag, undanskildar eru þó langleiðir um strjálbýl svæði milli byggðarlaga.
Á Austurlandi á að vera sjö daga þjónusta um Fagradal, Fjarðarheiði, yfir Oddsskarð og Hólmaháls, í gegnum Jökuldal að norðanverðu, yfir Vopnafjarðarheiði og fjarðarleiðina milli Reyðarfjarðar og Hornafjarðar.
Stefnt er að því að þá verði þessar leiðir almennt færar upp úr kl. 10:00. Á aðfangadag og gamlársdag er gert ráð fyrir þjónustu til kl. 14:00 en ef þörf krefur til kl. 16:00.
Sérstaklega er þó tekið fram að þetta eigi þó ekki við um leiðina frá Egilsstöðum til Mývatns né frá Höfn til Víkur. Þar hættir þjónusta í síðasta lagi kl. 14:00.
Á annan í jólum verður þjónusta á öllum leiðum samkvæmt almennum snjómokstursreglum. Frekari upplýsingar eru veittar í síma 1777 hjá umferðarþjónustu Vegagerðarinnar.
