Róleg jól hjá lögreglunni
Fréttir • This email address is being protected from spambots. You need JavaScript enabled to view it. • Fyrst birt 29. des 2014 13:21 • Uppfært 29. des 2014 13:21
Jólahátíðin var róleg hjá austfirskum lögregluþjónum. Það var svarið hjá yfirlögregluþjónunum tveimur þegar haft var samband við þá í morgun.
Töluvert var af fólki á dansleik í Valaskjálf á Egilsstöðum á laugardagskvöld. Á sama tíma var einnig ball í Valhöll á Eskifirði en þar mun hafa verið fámennt.
Færð hefur almennt verið ágæt yfir hátíðarnar. Nokkuð snjóaði eystra um jólin. Í dag er á móti hláka og víða mjög hált á vegum.
