Sumarhiti á Skjaldþingsstöðum
Fréttir • This email address is being protected from spambots. You need JavaScript enabled to view it. • Fyrst birt 29. des 2014 21:10 • Uppfært 29. des 2014 21:11
Sumarhiti mældist víða á Austfjörðum í dag þrátt fyrir að á dagatalinu standi desember. Hæst fór hitinn í sextán stig á Skjaldþingsstöðum í Vopnafirði.
Það var á fimmta tímanum í dag sem þessi hiti mældist í Vopnafirði en yfir tíu stiga hiti hefur verið síðan í morgun. Þar hefur einnig verið mjög hvasst, um 20 m/s í allan dag.
Hlýtt hefur verið víðar á svæðinu. Á Seyðisfirði mældist ríflega 14 stiga hiti í dag og 12 stiga hiti á Vatnsskarði.
Búist er við að hiti verði yfir frostmarki fram á gamlársdag en eftir það kólni.
