Bíll valt í Vopnafirði
Fréttir • This email address is being protected from spambots. You need JavaScript enabled to view it. • Fyrst birt 05. jan 2015 14:37 • Uppfært 05. jan 2015 14:38
Bílvelta varð við Ljótsstaði í Vopnafirði á föstudag. Ökumaðurinn var einn í bílnum og slapp ómeiddur. Áramótin voru annars róleg hjá lögreglunni á Austurlandi.
Ökumaðurinn hringdi sjálfur eftir aðstoð og lét lögregluna síðan vita af því að hann myndi sjálfur sjá um að fjarlægja bílinn.
Í dagbók lögreglunnar voru skráð tvö minniháttar umferðarlagabrot á laugardag og aðfaranótt sunnudags var einn ökumaður tekinn ölvaður undir stýri.
Stærstu tíðindin eru þó þau að nýtt sameinað lögregluumdæmi á Austurlandi sem nær frá Vopnafirði suður til Djúpavogs tók til starfa um áramót.
