Einar Már ráðinn skólastjóri Nesskóla
Fréttir • This email address is being protected from spambots. You need JavaScript enabled to view it. • Fyrst birt 08. jan 2015 16:55 • Uppfært 08. jan 2015 16:56
Einar Már Sigurðarson, skólastjóri Grunnskóla Fáskrúðsfjarðar hefur verið ráðinn skólastjóri Nesskóla í Neskaupstað.
Þetta kemur fram í tilkynningu frá sveitarfélaginu Fjarðabyggð. Einar Már var á árum áður skólameistari Verkmenntaskóla Austurlands og forstöðumaður Skólaskrifstofu Austurlands.
Þá var hann skólafulltrúi og félagsmálastjóri í Neskaupstað auk þess að vera skólastjóri í Valsársskóla á Svalbarðseyri.
Einar Már sat á þingi fyrir Samfylkinguna frá 1999-2009 og er í bæjarstjórn Fjarðabyggðar fyrir hönd Fjarðalistans.
Níu sóttu um starfið en einn dró umsókn sína til baka. Í auglýsingu kom fram að staðan væri laus frá 15. janúar en nýr skólastjóri þarf að geta hafið störf um mánaðarmótin mars/apríl.
