Áhugi á eignum Fellabaksturs
Fréttir • This email address is being protected from spambots. You need JavaScript enabled to view it. • Fyrst birt 27. jan 2023 10:49 • Uppfært 27. jan 2023 10:57
Áhugasamir aðilar hafa frest út daginn í dag til að gera tilboð í eignir Fellabaksturs, sem úrskurðaður var gjaldþrota í síðustu viku.
„Ég fór austur í vikunni og hitti marga áhugasama aðila sem komu til að skoða. Viðkomandi hafa frest þar til í dag til að skila inn tilboðum og ég á von á nokkrum slíkum.
Hvort reksturinn verður seldur í heild sinni á eftir að koma í ljós,“ segir Heiðar Ásberg Atlason, skiptastjóri Fellabaksturs.
Hann segir annars unnið að því þessa dagana að kalla eftir kröfum og losa eignir sem séu í búinu. Kröfulýsingarfrestur er fram til 19. mars og skiptafundur ráðgerður um miðjan apríl.
