Bílar í vandræðum á Fjarðarheiði á morgun
Fólki í fjórum bílum á leið upp Fjarðarheiði var komið til bjargar í morgun. Óvíst er hvort heiðin verði opnuð í dag.Samkvæmt upplýsingum frá Landsbjörgu voru þrír bílar á leið upp Egilsstaðamegin og sá fjórði við útsýnispallinn í Norðurbrún. Farið var með fólkið í Egilsstaði.
Tilkynningar bárust rétt fyrir klukkan átta í morgun og var veginum lokað strax í kjölfarið. Aðstæður á heiðinni voru erfiðar. Björgunarsveitir hafa farið yfir heiðina til að tryggja að þar séu ekki fleiri á ferðinni.
Einhverjir þeirra sem lögðu af stað eiga bókað far með Norrænu sem á að fara frá Seyðisfirði í hádeginu. Samkvæmt upplýsingum frá Vegagerðinni liggur ekki fyrir hvort hægt verði að opna veginn í dag þótt staðan verði skoðuð.
Mynd úr safni.
