Condor stækkar vélarnar sem fljúga til Egilsstaða
Fréttir • This email address is being protected from spambots. You need JavaScript enabled to view it. • Fyrst birt 20. des 2022 10:39 • Uppfært 20. des 2022 11:16
Þýska flugfélagið Condor, sem næsta sumar hyggst fljúga milli Egilsstaða og Frankfurt, hefur ákveðið að stækka vélarnar sem notaðar verða í flugið.
Upphaflega stóð til að flogið yrði með 180 sæta Airbus A320 vélum en í tilkynningu frá flugfélaginu frá í vikunni kemur fram að ákveðið hafi verið að nota 220 sæta Airbus A321 vélar.
Fljúga á vikulega á þriðjudagskvöldum frá miðjum maí fram í október.
Flugfélagið hyggst einnig fljúga vikulega til Akureyrar. Áfram er miðað við að nota minni vélarnar, A320, í það flug.
