Opinn fundur um myglu á Eskifirði
Fréttir • This email address is being protected from spambots. You need JavaScript enabled to view it. • Fyrst birt 11. jan 2023 12:20 • Uppfært 11. jan 2023 12:23
Boðað hefur verið til íbúafundar á Eskifirði í kvöld til að upplýsa um stöðuna eftir að mygla greindist í húsnæði og íþróttahúsi Eskifjarðarskóla.
Til svara á fundinum verða bæjarstjóri ásamt bæjarráði og formönnum þeirra nefnda sem málið varða. Sérfræðingur frá verkfræðistofunni Eflu, sem greindi mygluna, verður með í gegnum fjarfundakerfi.
Foreldrar barna í skólanum hafa sérstaklega verið hvattir til að mæta á fundinn. Hann verður haldinn í sal grunnskólans á Eskifirði og hefst klukkan 18:00.
