Rarik þurfti að kaupa olíu til að kynda Seyðisfjörð
Rarik ohf. keypti yfir 240 þúsund lítra síðastliðinn vetur til að tryggja starfsemi fjarvarmaveitu félagsins á Seyðisfirði.Þetta kemur fram í svari Rarik við fyrirspurn Austurfréttar.
Fjarvarmaveitur landsins kaupa skerðanlega orku til kyndingar. Hún var skert í byrjun desember í fyrra vegna lágrar vatnsstöðu í miðlunarlónum Landsvirkjunar. Meðal annarra notenda skerðanlegrar orku voru fiskimjölsverksmiður á Austfjörðum.
Skerðingunum var aflétt í apríl þegar staðan í miðlunarlónunum hafði batnað. Á þeim tíma sem orkan var skert voru bræðslurnar og fjarvarmaveiturnar keyrðar á olíu.
Á Seyðisfirði var fjarvarmaveitan keyrð á olíu frá 9. febrúar 5. apríl. Hún þurfti um 4.000 lítra af olíu, eða alls um 243 þúsund lítra.
Rarik hugðist leggja fjarvarmaveituna niður árið 2017 en því var frestað á meðan kannaðir væri aðrir kostir. Í síðasta mánuði var kynnt skýrsla sem sýndi að fáir kostir séu til staðar í stað fjarvarmaveitunnar í dag en hún sé ekki lengur hagkvæm.
Til stendur því að leggja hana af og aðstoða Seyðfirðinga við að skipta yfir í beina rafhitun. Framundan eru viðræður milli Rarik og Múlaþings um næstu skref.
