Rekstur Fellabakarís í skoðun

Útibú bakarísins voru ekki opin um helgina né í morgun og viðskiptavinir, sem Austurfrétt hefur rætt við, hafa margir fengið þau svör að ekki sé hægt að afhenda vörur.

Þráinn Lárusson, eigandi bakarísins, segir í samtali við Austurfrétt að starfsemi Fellabaksturs liggi niðri og verið sé að skoða stöðuna. Ekkert leyndarmál sé að reksturinn hafi verið þungur í nokkurn tíma.

Endanleg ákvörðun liggi hins vegar ekki fyrir heldur sé verið að skoða framhaldið.

Mynd úr safni.