Þakplötur losnuðu á Stöðvarfirði
Fréttir • This email address is being protected from spambots. You need JavaScript enabled to view it. • Fyrst birt 11. feb 2023 18:05 • Uppfært 11. feb 2023 18:07
Þakplötur losnuðu á félagsheimilinu á Stöðvarfirði í hvassviðri sem gengið hefur yfir landið í dag.
Samkvæmt upplýsingum frá Fjarðabyggð fauk ein plata af húsinu. Strax var farið í að tryggja að ekki yrði frekara tjón af völdum foks af þakinu.
Þá fengust þær upplýsingar hjá Landsbjörgu að ekki hafi verið nein útköll vegna stormsins í dag.
Vindinum hafa fylgt talsverð hlýindi. Á vef Veðurstofunnar kemur fram að mesti hiti á landinu í dag hafi mælst í Vestdal á Seyðisfirði eftir hádegi í dag, 14 gráður. Víða annars staðar eystra hefur hitinn farið yfir 10 gráður.
Mynd: Karitas Harpa Davíðsdóttir
