Varað við að fjallvegir geti lokast með skömmum fyrirvara

Þetta kemur fram í tilkynningum frá lögreglu og Vegagerðinni. Gul viðvörun er gildi á Austurlandi og Austfjörðum frá hádegi. Fram á kvöld er búist við hvassri austanátt með snjókomu eða slyddu og erfiðum akstursskilyrðum.

Viðvörunin fyrir Austurland gildir til klukkan þrjú í nótt en til miðnættis á Austfjörðum.

Vegagerðin lýsti í morgun yfir óvissustigi frá miðnætti á nokkrum austfirskum fjallvegum. Þeir eru Fagridalur, Fjarðarheiði, Vatnsskarð og Möðrudalsöræfi. Óvissustigið varir til kvölds.

Búið er að fresta leik Hattar og Tindastóls í úrvalsdeild karla í körfuknattleiks sem fara átti fram á Sauðárkróki í kvöld.

Mynd: Unnar Erlingsson