Veittu 7,6 milljóna styrki til menningar og lista í Múlaþingi
Alls 30 einstaklingar og stofnanir hlutu styrk úr fyrri styrkveitingu úr menningarsjóði Múlþings þetta árið en alls voru rúmar 7,6 milljónir króna til skiptanna.
Styrkjunum var úthlutað í síðustu viku en alls bárust umsóknir frá 32 aðilum vegna 35 mismunandi verkefni að þessu sinni og farið fram á 21 milljón króna. Alls var úthlutað 750 þúsund vegna verkefna á Borgarfirði eystra, 2,3 milljónir til listamanna á Egilsstöðum, 2,5 milljónir til Seyðisfjarðar, 700 þúsund til menningarstarfs á Djúpavogi og tæp 1,4 milljón króna til óstaðbundinna verkefna í sveitarfélaginu.
Hæstu einstöku styrkirnir, upp á 400 þúsund krónur, fóru í fyrirhugað keramikstúdíó LungA-skólans á Seyðisfirði, dvalar og fræðsludagskrá fyrir listamenn og aðgerðarsinna úr hópi hinsegin samfélagsins, til Skaftfells vegna gerðar tvíhliða korts af helstu menningarstöðum á Austurlandi, til Sumartónleikaraðar Bláu kirkjunnar, framþróun tónleikaraða í Fjarðarborg á Borgarfirði eystra og til verkefnisins Fiskisúpa sem ætlað er að kynna ljósmyndurum og myndlistarmönnum verk sín á hinum ýmsu stöðum.
Tveir styrkir fóru til listamiðstöðvarinnar Skaftfells á Seyðisfirði að þessu sinni. Annars vegar til kortagerðar yfir helstu menningarstaði Austurlands og til útgáfu bókar til marks um að 25 ár eru liðin síðan frá stofnuninni.