Samið um fjármögnun skólabyggingar
Íslandsbanki og Fljótsdalshérað hafa gert með sér samning um fjármögnun á ný- og endurbyggingu við Grunnskólann á Egilsstöðum. Verkefnið er eitt það stærsta sem sveitarfélagið hefur ráðist í en gert er ráð fyrir að nýja byggingin verði rúmir fjögur þúsund fermetrar.
Íslandsbanki og Fljótsdalshérað hafa gert með sér samning um fjármögnun á ný- og endurbyggingu við Grunnskólann á Egilsstöðum. Verkefnið er eitt það stærsta sem sveitarfélagið hefur ráðist í en gert er ráð fyrir að nýja byggingin verði rúmir fjögur þúsund fermetrar að flatarmáli. Þá mun jafnframt verða unnið að endurbótum á eldri hluta skólans samhliða nýbyggingunni. Verkið hófst vorið 2008 og áætlað er að því ljúki endanlega á árinu 2010 en þá mun skólinn hafa á að skipa glæsilegri aðstöðu með heildarrými upp á tæplega sjö þúsund fermetra.
„Við erum afar ánægð með að ráðast í þennan áfanga á ný- og endurbyggingu við grunnskólann, í samstarfi við Eignarhaldsfélgið Fasteign og með fulltingi Íslandsbanka”, segir Eiríkur Björn Björgvinsson, bæjarstjóri Fljótsdalshéraðs í tilkynningu frá Íslandsbanka og sveitarfélaginu. „Það er mjög mikilvægt fyrir atvinnulífið hér að sveitafélagið standi fyrir framkvæmdum nú á samdráttartímum eins og mál standa í dag. Þetta er viðamikið verkefni og verður skólinn og öll aðstaða fyrir starfsfólk og nemendur til mikillar fyrirmyndar að verkinu loknu. Þetta er einn megin þáttur í þeirri framtíðarsýn Fljótsdalshéraðs að skapa gott samfélag á traustum grunni.”
„Íslandsbanki setti á fót útibú á Fljótsdalshéraði árið 2005 og hefur tekið þátt í því blómlega starfi sem þar hefur verið byggt upp”, sagði
“Samningurinn við Fljótsdalshérað er gríðarlega mikilvægur fyrir útibú Íslandsbanka á Egilsstöðum” sagði
------
Mynd:
Frá undirritun fjármögnunarsamnings vegna byggingar Grunnskólans á Egilsstöðum. Undirritað var í nýbyggingu skólans og viðstaddir voru eftirtaldir fulltrúar Íslandsbanka og Fljótsdalshéraðs.
Aftari röð frá vinstri: Una Steinsdóttir, framkvæmdastjóri viðskiptabankasviðs Íslandsbanka, Helga Guðmundsdóttir fræðslufulltrúi Fljótsdalshéraðs, Sigurlaug Jónasdóttir skólastjóri Grunnskólans á Egilsstöðum og Eggert Sigtryggsson fasteignafulltrúi Fljótsdalshéraðs.
Fremri röð frá vinstri: Páll Björgvin Guðmundsson útibússtóri Íslandsbanka á Austurlandi, Birna Einarsdóttir bankastjóri Íslandsbanka, Eiríkur B. Björgvinsson bæjarstjóri Fljótsdalshéraðs, og Guðlaugur Sæbjörnsson fjármálastjóri Fljótsdalshéraðs.
