Norðfjarðargöng: Gangur kominn í gröftinn
Fréttir • This email address is being protected from spambots. You need JavaScript enabled to view it. • Fyrst birt 29. nóv 2013 09:44 • Uppfært 29. nóv 2013 10:05
Gröftur nýrra Norðfjarðarganga gengur nú hraðar þar sem verktakar eru komnir út úr veika rauða laginu sem hægði á vinnunni. Í gær var alls búið að grafa 93 metra. Útlit er fyrir að það náist að sprengja tvær fimm metra sprengingar á dag.
Í Fannardal í Norðfirði hefur verið unnið við að ýta og moka lausum jarðefnum við væntanlega gangamunna. Áætlað er að fjarlægja þurfi á milli 70 og 80 þúsund rúmmetra af lausu efni áður en hægt verður að byrja að sprengja. Við verkið þarf að nota stórvirkar vinnuvélar, eins og sjá má á myndunum.
Einnig er nú unnið við flytja og reisa vinnubúðir neðan Kirkjubóls, skammt utan við nýja brú yfir Norðfjarðará.
Á meðfylgjandi myndum má sjá athafnasvæðið í Fannardal, jarðýtu af stærri gerðinni, Cat D9T, og reisingu vinnubúða. (Myndir GÞB/Hnit)
