Brotist inn í nytjamarkað Rauða krossins
Fréttir • This email address is being protected from spambots. You need JavaScript enabled to view it. • Fyrst birt 20. des 2013 15:58 • Uppfært 20. des 2013 15:59
Brotist var inn í nytjamarkað Rauða Krossins á Egilsstöðum í síðustu helgi. Þeir sem brutust inn fóru inn um glugga á bakhlið hússins sem stendur í iðnaðarhverfi í bænum.
Glugganum var í raun kippt úr og lá á jörðinni við hlið hússins þegar að var komið morguninn eftir. Teknir voru DVD diskar og tölvuleikir auk hálsmena, eyrnalokka og fleira smádóts.
Að auki var farið inn á svæði Íslenska gámafélagsins og stolið þaðan verkefni.
Innbrotin hafa verið kærð til lögreglu en sökudólgarnir eru enn ófundnir.
