Gerpir fyrsta björgunarsveitin til að vera kölluð út á nýju ári
Fréttir • This email address is being protected from spambots. You need JavaScript enabled to view it. • Fyrst birt 01. jan 2014 12:16 • Uppfært 01. jan 2014 12:17
Björgunarsveitin Gerpir í Neskaupstað var í nótt fyrsta björgunarsveitin sem kölluð var út á nýju ári, samkvæmt fréttum frá Slysavarnarfélaginu Landsbjörgu.
Sveitin var kölluð út klukkan 5:33 í nótt vegna tveggja bíla sem sátu fastir Eskifjarðarmegin í Oddsskarði.
Samkvæmt upplýsingum frá Vegagerðinni er ófært á Oddsskarði, Fjarðarheiði, Vopnafjarðarheiði, Vatnsskarði og Möðrudalsöræfum.
Flughált er í kringum Vopnafjörð og á Héraði. Hálfa og snjókoma er á Fagradal og hálka eða hálkublettir á öðrum leiðum.
Veðurstofan spáir norðaustan 13-20 m/s og slyddu eða rigningu í dag. Vindinn lægir með kvöldinu.
