Erlendir ferðamenn sátu pikkfastir á leiðinni á Mývatn

Sveitin var kölluð út seint í gærkvöldi til bjargar fimm japönskum ferðamönnum sem fest höfðu bílaleigubíl sinn á Möðrudalsöræfum, rétt hjá afleggjaranum til Vopnafjarðar.

Á Facebook-síðu sveitarinnar segir að ferðamennirnir hafi ákveðið að fara frá Egilsstöðum eftir kvöldmat í Dimmuborgir þar sem þeir áttu bókaða gistingu, þrátt fyrir að vegurinn væri skráður ófær og ekkert verið ruddur á nýársdag.

Björgunarsveitin Gerpir var kölluð út á nýársnótt til að losa bíla á Oddsskarði sem stóðu fastir fyrir ruðningstæki. Losa tókst bílana án aðstoðarsveitarinnar og ruðningstækið komst sína leið.

Um klukkan sex í gær aðstoðaði björgunarsveitin Brimrún á Eskifirði við sjúkraflutning yfir Oddsskarð. Snjóplógur var með í för og gekk ferðin vel.