Nýr Polar Amaroq mættur til Neskaupstaðar
Fréttir • This email address is being protected from spambots. You need JavaScript enabled to view it. • Fyrst birt 03. jan 2014 15:09 • Uppfært 03. jan 2014 15:09
Hið nýja Polar Amaroq kom til Neskaupstaðar á Þorláksmessu. Skipið er í eigu grænlensks dótturfélags Síldarvinnslunnar og leysir af hólmi eldra skip með sama nafni.
Skipið hét áður Gardar og var í eigu norska útgerðarfélagsins K. Halstensen. Það var smíðað árið 2004 og lengt tveimur árum síðar.
Skipið er í eigu Polar Pelagic en Síldarvinnslan á þriðjungshlut í grænlenska útgerðarfélaginu. Fyrr á árinu keypti félagið annað skip sem fékk þetta nafn en það á að verða nýr Beitir NK. Gamli Beitir hefur hins vegar verið seldur úr landi.
Polar Amaroq er vinnsluskip, 3.2000 brúttótonn að stærð, 83,8 m. á lengd og 14,6 m. á breidd. Það getur lestað 2535 tonn, þar af 2000 í kælitanka.
Frystigeta um borð er 140 tonn á sólarhring og er þá miðað við heilfrystan fisk en frystirýmið er fyrir 1000 tonn.
Skipstjórar á nýja skipinu verða Geir Zoega og Halldór Jónasson
Polar Amaroq leggst að bryggju í Neskaupstað. Mynd: Kristín Hávarðsdóttir
