Viðgerð lauk á Vopnafjarðarlínu í morgun: Meira skemmd en talið var
Fréttir • This email address is being protected from spambots. You need JavaScript enabled to view it. • Fyrst birt 06. jan 2014 14:46 • Uppfært 06. jan 2014 14:47
Viðgerð á Vopnafjarðarlínu snemma í morgun en viðgerðarflokkar höfðu verið þar að störfum í tvo daga. Skemmdir á línunni voru mun meiri en í fyrstu var áætlað.
Línunni var slegið inn rétt fyrir klukkan hálf sjö í morgun en hún hafði verið úti síðan á gamlársdag. Á meðan var almennu álagi á Vopnafirði sinnt með varaafli, að því er fram kemur á vef Landsnets.
Í birtingu á laugardagsmorgun var byrjað að koma tækjum að bilanastað á Hellisheiði. Slæmt veður varð til þess að ekki var hægt að byrja þá að gera við.
Viðgerð hófst því af alvöru um hádegi í gær. Þá kom í ljós að skemmdir á línunni voru meiri en talið var, slit á fleiri stöðum og þrjár þverslár brotnar.
Þá var mikil og erfið vinna við að moka leiðara á bilanastað úr fön og hreinsa af þeim ísingu en ekki var hægt að koma tækjum að við það verkefni.
