Fordæma lokun fiskvinnslu: Litið á starfsfólk sem vinnuhjú
Fréttir • This email address is being protected from spambots. You need JavaScript enabled to view it. • Fyrst birt 07. maí 2014 13:13 • Uppfært 07. maí 2014 13:15
Ákvörðun Vísis um að hætta núverandi fiskvinnslu á Djúpavogi og flytja til Grindavíkur er harðlega fordæmd í ályktun sem samþykkt var á aðalfundi AFLs – starfsgreinafélags um síðustu helgi.
„Fyrirtækin virðast líta á starfsfólk sitt sem vinnuhjú sem unnt er að flytja með sér milli landshluta.Byggðalagið sem hefur byggt tilveru sína á fiskvinnslu í áratugi – situr eftir í sárum og fólkið sem unnið hefur fyrirtækinu af trúmennsku um árabil – er skilið eftir án atvinnu," segir í ályktuninni.
Þá er bent á að með „með þessari aðför að afkomu fólks koma gallar núverandi fiskveiðistjórnunarkerfis berlega í ljós." Fundurinn var að þessu sinni haldinn á Djúpavogi.
Fimmtíu manns hafa starfað hjá Vísi á Djúpavogi. Gert er ráð fyrir að helmingur þeirra fái vinnu við vinnslu fyrir Fiskeldi Austfjarða að loknu sumarfríi. Öðrum býðst að flytja með fyrirtækinu til Grindavíkur.
Mynd: Magnús Kristjánsson
