Gengið frá starfslokum Jóns Pálssonar hjá Austurbrú
Fréttir • This email address is being protected from spambots. You need JavaScript enabled to view it. • Fyrst birt 16. maí 2014 15:38 • Uppfært 16. maí 2014 15:39
Gengið hefur verið frá starfslokasamningi milli Austurbrúar og Jóns Pálssonar sem gegnt hefur starfi fulltrúa markaðsmála hjá stofnuninni í ár.
„Austurbrú gerði starfslokasamkomulag við Jón. Um þetta samkomulag ríkir trúnaður og ég mun því ekki tjá mig frekar um þetta mál að öðru leyti en því að honum eru þökkuð góð störf í þágu Austurbrúar," segir í svari Jónu Árnýjar Þórðardóttur, starfandi framkvæmdastjóra Austurbrúar, við fyrirspurn Austurfréttar.
Jón tók við starfinu af Árnýju Bergsdóttur um mánaðarmótin í byrjun júní í fyrra. Hann hefur fyrst og fremst starfað með ferðaþjónustuaðilum á svæðum. Hann þakkaði þeim fyrir samstarfið í tölvupósti í dag.
