Betra Sigtún og K-listi í formlegar meirihlutaviðræður
Fréttir • This email address is being protected from spambots. You need JavaScript enabled to view it. • Fyrst birt 05. jún 2014 10:38 • Uppfært 05. jún 2014 10:40
Liðsmenn Betra Sigtúns ákváðu á félagsfundi í gær að fara í formlegar viðræður við K-lista félagshyggju um myndun nýs meirihluta í sveitarstjórn Vopnafjarðarhrepps.
„Það er ekki kominn neinn tími á fyrsta fund en hann verður væntanlega í kvöld eða á morgun," segir Stefán Grímur Rafnsson, oddviti Betra Sigtúns.
Hann segir að á fundinum hafi verið farið yfir helstu áherslur Betra Sigtúns í meirihlutaviðræðunum. „Við eigum ágæta samleið með K-listanum. Stefnuskrár allra framboðanna fyrir kosningarnar voru mjög líkar. Þetta snýst um að hafa hlutina á hreinu.
Við leggjum til dæmis áherslu á breytta stjórnsýslu og hvernig verður staðið að auglýsingu og ráðningu sveitarstjóra."
