Gunnþórunn áfram oddviti í Fljótsdal
Fréttir • This email address is being protected from spambots. You need JavaScript enabled to view it. • Fyrst birt 24. jún 2014 17:00 • Uppfært 24. jún 2014 17:02
Gunnþórunn Ingólfsdóttir verður áfram oddviti Fljótsdælinga. Kosið var í helstu embætti á fyrsta fundi nýrrar sveitarstjórnar.
Gunnþórunn hefur verið oddviti frá árinu 2002 en oddvitinn sinnir einnig daglegum rekstri skrifstofu sveitarfélagsins í fullu starfi.
Varaoddviti leysir hana af en það verður á þessu kjörtímabili Lárus Heiðarsson.
Kosið var í helstu nefndir og ráð Fljótsdælinga á hreppsnefndarfundinum í síðustu viku en á vegum hreppsins starfa byggingar- og skipulagsnefnd, kjörstjórn, fjallskilanefnd, landbótasjóður og ferðamálanefnd.
