Ásta Hlín: Hætti í Framsóknarflokknum út af viðbragðaleysi forustunnar
Ásta Hlín Magnúsdóttir, kosningastjóri Framsóknarflokksins í nýafstöðnum sveitarstjórnarkosningum í Fjarðabyggð og fyrrverandi formaður ungra framsóknarmanna, gekk úr flokknum strax eftir kosningarnar. Hún segir ástæðuna vera viðbragðaleysi forustu flokksins gegn kosningabaráttu framboðsins í Reykjavík.„Ég tók þessa ákvörðun út frá viðbrögðum eða viðbragðaleysi forustu flokksins við stórundarlegri kosningabaráttu framboðsins í Reykjavík," segir Ásta Hlín í samtali við Austurfrétt.
Stór hluti kosningabaráttu Framsóknarflokksins og flugvallarvina í Reykjavík snérist um byggingu mosku en Ásta hafnar því að umræðan hafi fyrst og fremst snúist um skipulagsmál.
„Það er eftiráskýring. Inn í umræðuna voru dregin nauðungarhjónabönd og fjölgun múslima í nágrannalöndunum. Það var verið að ala á fordómum og reynt að höfða til fólks með slíkar skoðanir."
Ásta Hlín segir marga framsóknarmenn hafa verið óánægða með málflutning framboðsins í Reykjavík. „Þetta fór fyrir brjóstið á mörgum og það er ekki eins og það hafi gleymst að segja forustunni að þetta væri ekki í lagi.
Ég upplifi það ekki þannig að ég hafi verið ein um að vera ósátt við þennan málflutning Reykjarvíkur framboðsins, frekar upplifi ég nokkurskonar meðvirkni, menn telja ekki rétt að tala opinberlega gegn samflokksmönum."
Ásta, sem er dóttir þingkonunnar Líneikar Önnu Sævarsdóttur, heldur því fram að umræðan geti haft bein áhrif á fylgi flokksins um allt land til framtíðar.
„Ég var að vinna með frábæru fólki í Fjarðabyggð og styð þau 100% í þeirra störfum. Ég veit ekki hvort þetta hafði bein áhrif á fylgi okkar framboðs en auðvitað setti þetta svip sinn á kosningarnar. Svona umfjöllun hefur líka áhrif á almenna ímynd fólks af flokknum."
Ásta Hlín kveðst ekki hafa getað haldið áfram í flokknum. „Ég er frjálslynd miðjumanneskja og ein af mínum grundvallarhugsjónum eru mannréttindi og jafn réttur borgaranna, til dæmis til iðkun sinnar trúar.
Ég sætti mig við að vera ósammála flokksfélögum mínum um einstök málefni en ekki grunnvallaratriðum sem þátttaka mín í stjórnmálum byggist á. Þetta á líka að vera grundvallarhugsjón flokksins, frjálslynda miðjuflokksins á Íslandi. Því miður gekk Reykjavíkurframboðið gegn þeirri hugsjón."
Ásta Hlín var formaður SUF árið 2012, setið í stjórn og varastjórn sambandsins frá árinu 2009 og miðstjórn flokksins frá 2010. Hún var kosningastjóri Framsóknarflokksins í Fjarðabyggð 2010 og 2014.
„Það er eftiráskýring. Inn í umræðuna voru dregin nauðungarhjónabönd og fjölgun múslima í nágrannalöndunum. Það var verið að ala á fordómum og reynt að höfða til fólks með slíkar skoðanir."
Ásta Hlín segir marga framsóknarmenn hafa verið óánægða með málflutning framboðsins í Reykjavík. „Þetta fór fyrir brjóstið á mörgum og það er ekki eins og það hafi gleymst að segja forustunni að þetta væri ekki í lagi.
Ég upplifi það ekki þannig að ég hafi verið ein um að vera ósátt við þennan málflutning Reykjarvíkur framboðsins, frekar upplifi ég nokkurskonar meðvirkni, menn telja ekki rétt að tala opinberlega gegn samflokksmönum."
Ásta, sem er dóttir þingkonunnar Líneikar Önnu Sævarsdóttur, heldur því fram að umræðan geti haft bein áhrif á fylgi flokksins um allt land til framtíðar.
„Ég var að vinna með frábæru fólki í Fjarðabyggð og styð þau 100% í þeirra störfum. Ég veit ekki hvort þetta hafði bein áhrif á fylgi okkar framboðs en auðvitað setti þetta svip sinn á kosningarnar. Svona umfjöllun hefur líka áhrif á almenna ímynd fólks af flokknum."
Ásta Hlín kveðst ekki hafa getað haldið áfram í flokknum. „Ég er frjálslynd miðjumanneskja og ein af mínum grundvallarhugsjónum eru mannréttindi og jafn réttur borgaranna, til dæmis til iðkun sinnar trúar.
Ég sætti mig við að vera ósammála flokksfélögum mínum um einstök málefni en ekki grunnvallaratriðum sem þátttaka mín í stjórnmálum byggist á. Þetta á líka að vera grundvallarhugsjón flokksins, frjálslynda miðjuflokksins á Íslandi. Því miður gekk Reykjavíkurframboðið gegn þeirri hugsjón."
Ásta Hlín var formaður SUF árið 2012, setið í stjórn og varastjórn sambandsins frá árinu 2009 og miðstjórn flokksins frá 2010. Hún var kosningastjóri Framsóknarflokksins í Fjarðabyggð 2010 og 2014.
