Norðfjarðargöng: Samið við Breiðdalssetur um sýnatöku
Fréttir • This email address is being protected from spambots. You need JavaScript enabled to view it. • Fyrst birt 07. ágú 2014 15:10 • Uppfært 07. ágú 2014 15:13
Vegagerðin og Breiðdalssetur hafa hafið samstarf um skipulagða sýnatöku á bergi úr Norðfjarðargöngum. Jarðfræðisetur Breiðdalsseturs er að stórum hluta helgað jarðfræði Austurlands og því gríðarmikla starfi sem George P.L. Walker vann við kortlagningu jarðlagastaflans á Austurlandi.
Jarðgangagröfturinn er kjörið tækifæri fyrir jarðfræðinga að rannsaka bergið í þessum hluta jarðlagastaflans.
Starfsfólk Breiðdalsseturs mun því taka sýni skipulega úr jarðgöngunum á um 100 m fresti og einnig úr einstaka áhugaverðum lögum eftir því sem tilefni er til. Breiðdalssetur mun varðveita sýnin og verða þau síðar meir aðgengileg til rannsóknar.
Christa Maria Feucht, verkefnastjóri og jarðfræðingur hjá Breiðdalssetri, kom í fyrstu sýnatöku í Norðfjarðargöng. Ljósmynd: Ófeigur Örn Ófeigsson/Hnit verkfræðistofa hf
