Náðu innbrotsþjófunum strax næsta dag
Fréttir • This email address is being protected from spambots. You need JavaScript enabled to view it. • Fyrst birt 11. sep 2014 14:34 • Uppfært 11. sep 2014 14:41
Lögreglan á Egilsstöðum hafði á sunnudag hendur í hári tveggja einstaklinga sem brutust þá um nóttina inn á tvo veitingastaði í bænum.
Á öðrum staðnum var stolið rúmlega 30.000 krónum en 100.000 á hinum. Þeir viðurkenndu innbrotin þegar þeir náðust.
Þeir vísuðu á þýfið af öðrum staðnum, rúmar 100.000 krónur en hinu höfðu þeir að miklu leyti eytt í gistingu á Egilsstöðum. Málið telst upplýst.
