Green Freezer laust af strandstað

Höfundur: Gunnar Gunnarsson • Skrifað: .

green freezer thor tog thorlmagnVarðskipið Þór togaði flutningaskipið Green Freezer af strandstað nú rétt fyrir klukkan ellefu í morgun. Eftir að slík tilraun mistókst fyrir sólarhring var olíu dælt úr skipinu til að létta það.

Skipið strandaði við bæinn Eyri í sunnanverðum Fáskrúðsfirði klukkan átta á miðvikudagskvöld. Þar sem ekki var talin hætta á ferðum fékk útgerðin frest í sólarhring til að vinna eigin björgunaráætlun. Þar sem hún þótt ekki raunhæf greip Landhelgisgæslan inn í.

Skipið var dregið út á fjörðinn þar sem ástand þess verður metið. Vélarbilun olli strandinu en skipið festist í bakkgír og fór á fullri ferð upp í fjöru.

Skipið er smíðað í Noregi árið 1991 en skráð á Bahama í dag. Það er í eigu Green Management í Póllandi en Nesskip eru umboðsaðili þess hérlendis.

Mynd: Þórlindur Magnússon

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.

Samþykkja Hafna

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.

Samþykkja Hafna