Skiptum lokið á búi Skuldaþaks
Fréttir • This email address is being protected from spambots. You need JavaScript enabled to view it. • Fyrst birt 22. sep 2014 12:26 • Uppfært 22. sep 2014 12:30
Ekkert fékkst upp í rúmlega þrjátíu milljóna króna kröfur í þrotabú Skuldaþaks ehf. sem skráð var með lögheimili á Reyðarfirði.
Samkvæmt upplýsingum úr fyrirtækjaskrá var fyrirtækið stofnað árið 2009 með þann tilgang að leigja út atvinnuhúsnæði. Það var skráð til heimilis að Hafnargötu 3 á Reyðarfirði.
Ársreikningi var skilað fyrir stofnárið en engir reikningar eru skráðir síðan hjá fyrirtækjaskrá.
Skuldaþak ehf. var úrskurðað gjaldþrota með úrskurði héraðsdómi Norðurlands eystra í maí.
Skiptum á búinu lauk í síðasta mánuði og fram kemur í Lögbirtingablaðinu að ekkert hafi fengist upp í lýstar kröfur upp á 30,45 milljónir króna.
