Kviknaði í út frá rafkerfi dráttarvélar
Fréttir • This email address is being protected from spambots. You need JavaScript enabled to view it. • Fyrst birt 02. okt 2014 18:25 • Uppfært 02. okt 2014 18:25
Bruni sem varð í vélaskemmu við Refsstað í Vopnafirði fyrir tveimur vikum hefur verið rakinn til bilunar í rafkerfi dráttarvélar sem stóð í skemmunni.
Þetta staðfesti Jónas Wilhelmsson, yfirlögregluþjónn á Eskifirði, við Austurfrétt í dag.
Eldur varð fyrst laus í dráttarvélinni og búnaði hennar sem síðan varð til þess að eldur komst í aðra muni í skemmunni og loks skemmuna sjálfa.
Töluvert tjón varð í eldsvoðanum.
