Róleg vika hjá lögreglu
Fréttir • This email address is being protected from spambots. You need JavaScript enabled to view it. • Fyrst birt 27. okt 2014 11:08 • Uppfært 27. okt 2014 11:43
Helgin og seinni hluti síðustu viku var rólegur hjá austfirskum lögreglumönnum. Ökumenn lentu þó sums staðar í vanda í hálku í Seyðisfjarðarumdæmi.
Helst var erill í kringum brottför Norrænu en tveir flutningabílar festust á Fjarðarheiði. Í kjölfarið lentu rútur sem voru þar á ferð í vandræðum en bílarnir virtust ekki nægilega vel búnir til vetraraksturs á heiðum.
Þá skautuðu ökumenn út af á fjallvegum, svo sem Möðrudalsöræfum, Fjarðarheiði og Öxi.
Rjúpnaveiði hófst á föstudag en virðist hafa farið vel af stað að öðru leyti en því að veiðin virðist hafa verið dræm.
