Ágúst Arnórsson ráðinn útibússtjóri Landsbankans á Egilsstöðum
Fréttir • This email address is being protected from spambots. You need JavaScript enabled to view it. • Fyrst birt 03. nóv 2014 14:22 • Uppfært 03. nóv 2014 14:28
Ágúst Arnórsson hefur verið ráðinn útibússtjóri Landsbankans á Egilsstöðum og tekur hann við af Arnari Páli Guðmundssyni sem nýverið var ráðinn útibússtjóri á Akureyri.
Ágúst er 43 ára gamall og hefur starfað hjá Landsbankanum síðan 2007, fyrst sem sérfræðingur í fyrirtækjaviðskiptum á Austurlandi og svo sem aðstoðarútibússtjóri á Egilsstöðum frá árinu 2010.
Hann er viðskiptafræðingur frá Háskólanum á Akureyri og er sem stendur í vottunarnámi sem fjármálaráðgjafi við HR. Ágúst er kvæntur Maríu Veigsdóttur og eiga þau 2 börn.
Undir útibú Landsbankans á Egilsstöðum heyra afgreiðslur á Borgarfirði Eystri, Seyðisfirði og Vopnafirði.
