Íbúasamtök Eskifjarðar styðja baráttu Stöðfirðinga í skólamálum
Fréttir • This email address is being protected from spambots. You need JavaScript enabled to view it. • Fyrst birt 03. nóv 2014 14:30 • Uppfært 03. nóv 2014 14:31
Stjórn Íbúasamtaka Eskifjarðar hefur sent íbúum Stöðvarfjarðar stuðningsyfirlýsingu vegna stöðu skólamála í plássinu.
Fyrir helgi voru kynntar hugmyndir um að fara með börn 11 ára og eldri frá Stöðvarfirði til Fáskrúðsfjarðar frá og með næsta skólaári. Þær hafa fallið í grýttan jarðveg meðal heimamanna.
Í yfirlýsingu Íbúasamtakanna er mótmælt „harðlega þeim hugmyndum sem fram hafa komið um fyrirhugaðar breytingar á elstu bekkjum grunnskóla í Fjarðabyggð."
Farið er fram á að alfarið verði hætt við áformin og fundar aðrar leiðir, sem ekki snerti „grunnstoðir íbúa Fjarðabyggðar" til að spara í rekstri sveitarfélagsins.
