Ekki um að ræða breytingar á vetrarvaktstöðvum Vegagerðarinnar
Fréttir • This email address is being protected from spambots. You need JavaScript enabled to view it. • Fyrst birt 14. nóv 2014 10:46 • Uppfært 14. nóv 2014 10:48
Ekki er verið að draga úr umfangi vöktunar á vegum þótt ekki sé lengur starfsmaður á vegum vaktstöðvar með snjómokstri á Reyðarfirði. Bæjarráð Fjarðabyggðar hefur mótmælt ráðstöfuninni.
Bæjarráðið bókaði nýverið mótmæli við „áformum" hjá Vegagerðinni um að auka vægi vaktstöðvar á Ísafirði á kostnað vaktstöðvar á Reyðarfirði og fól bæjarstjóra að óska eftir viðræðum við Vegagerðina til að vita hvernig vöktunin væri hugsuð til framtíðar.
Á fundi bæjarstjórnar í kjölfarið kom fram að áður hefði verið ein stöð í hverjum landshluta og það gengið fínt.
G. Pétur Matthíasson, upplýsingafulltrúi Vegagerðarinnar, segir engar breytingar eiga sér stað nú í haust.
„Það eru tvær vaktstöðvar fyrir allt landið og hefur verið þannig í tvö ár núna. Önnur á Ísafirði hin í Hafnarfirði. Það engar breytingar á því þetta haustið eða verklagi vaktstöðvanna.
Einn starfsmaður vaktstöðvarinnar á Ísafirði var með aðsetur á Reyðarfirði og starfaði þaðan en vinnur núna á Ísafirði þar sem um ákveðna hópvinnu er að ræða."
