Tónlistarkennarar efna til mótmæla á Reyðarfirði
Tónlistarkennarar í Fjarðabyggð hafa boðað til mótmæla við bæjarskrifstofur Fjarðabyggðar í Molanum á Reyðarfirði í dag. Verkfall þeirra hefur nú staðið í fjórar vikur.Í tilkynningu tónlistarkennara segir að máli skipti að vekja athygli á að verkfallið sé enn í gangi og sýna að samfélaginu sé ekki sama um gildi tónlistarmenntunar.
„Við erum ansi þreytt á þessu og áhyggjufull yfir því að nemendur okkar eru að missa af dýrmætum tímum," segir í yfirlýsingunni.
Tónlistarkennarar hafa barist fyrir því að fá laun sín leiðrétt til samræmis við aðra kennara innan Kennarafélags Ísland en þær kröfur eru „ennþá ekki teknar alvarlega af samninganefnd sveitarfélaga," segir í tilkynningunni.
Forsvarsmenn sveitarfélaganna hafa hins vegar sagst vilja ræða um leið breytingar á vinnufyrirkomulagi tónlistarkennara.
Til sambærilegra mótmæla hefur verið efnt víðar um land síðustu daga. Þau hefjast kirkjumegin við Molann, þar sem bæjarskrifstofurnar eru staðsettar, klukkan 15:30.
