Gísli Tryggva oddviti Dögunar í kjördæminu
Fréttir • This email address is being protected from spambots. You need JavaScript enabled to view it. • Fyrst birt 15. mar 2013 22:49 • Uppfært 04. maí 2013 17:39
Gísli Tryggvason, talsmaður neytenda, er leiðtogaefni Dögunar í Norðausturkjördæmi fyrir komandi kosningar. Landsfundur hreyfingarinnar fer fram um helgina.
Gísli er fæddur árið 1969, sonur Tryggva Gíslasonar sem lengi var skólameistari Menntaskólans á Akureyri. Gísli er menntaður lögfræðingur og með framhaldsmenntun í viðskiptum og diplómu í sáttamiðlun.
Gísli gegndi áður ýmsum trúnaðarstörfum fyrir Framsóknarflokkinn og sat í stjórnlagaráði. Í dag er hann í varastjórn Skógræktarfélags Kópavogs og framkvæmdaráði Dögunar.
